MALENGO HALISIA

JINSI YA KUWEKA MALENGO
Kujifunza jinsi ya kuweka malengo ni muhimu sana kama ilivyo kujua lengo lenyewe, ukiweza kujifunza jinsi ya kuweka malengo utakuwa umepiga hatua kubwa sana kwasababu utajua unataka nini na utakipataje, watu wengi wanashindwa kufanikiwa aidha kwasababu hawajui kuweka malengo au wanaweka malengo madog

Huu ni muongozo utakao kusaidia kuweka malengo halisi

Weka malengo makubwa: Jaribu kupanua mawazo yako kufikiria vitu vikubwa ambavyo kwa kawaida unaona kama hauwezi kuvifikia hivi, fanya malengo yako yawe makubwa iwezekanavyo mpaka ukiyatathmini uogope, maana usipopatwa na hali hiyo ujue unachokilenga kipo ndani ya uwezo wako, jaribu kupanga unataka kuwa nani baada ya miaka 5 au 6 na unataka uweunafanya nini baada ya miaka hiyo

Malengo makubwa yanaweza kutimia itategemea namna unavyofanya kazi kuyatimiza malengo yako

Malengo yako yawe ya uhalisia pia yasiwe yakufikirika sana, hivyo unapopanga malengo jitahidi yawe katikati ya uhalisia na kufikirika, eleza kabisa unataka upate nini na ukipate lini

Katika kupanga malengo kuwa mkweli na muwazi kwako mwenyewe usijiwekee mipaka ukaogopa kuomba msaada, omba msaada pale inapobidi

Katika harakati za kutimiza malengo yako fanya tathmini ya malengo yako kila mara, kitendo hiki kinatakiwa kiwe endelevu usifanye tathmini mwishoni

SIFA ZA MALENGO THABITI

Kwanza lazima yawe wazi(specific) yataje unataka nini na kwa wakati gani ili mtu uweze kujua unatafuta nini.

Malengo yawe yanapimika, uwezekupima ni lini unaweza kuyatimiza malengo yako

Malengo yako lazima yaoneshe mpango kazi wako, yani utayafikiaje malengo hayo

Uhalisia, malengo yanatakiwa kuwa makubwa, unatakiwa kulenga mbali sana lakini lazima ujipe changamoto uone uhalisia wa unachokifikiria

Malengo yako yasiwe yakufikirika yawe tangible

HATUA ZA KUWEKA MALENGO THABITI

Weka lengo

Weka mikakati yako itakayokuwezesha kufikia malengo yako

Chagua mkakati bora kuliko yote kati ya hiyo uliyo weka ndio uutumie

Orodhesha wazi mipango ya kukamilisha mkakati wako